موجه 7

ده الجديد و المختلف عشان هو اصلا مختلف مينفعش يتكتب زى ما كل حاجه بتتكتب

.. هو مين ده بقى

هو فنان و عازف اول مرة اعرفه من 4 سنين حبيته من غير ما اكلمه حاولت

اوصله ووصلتله فعلا و لقيته زى مانا حسيته قبل ما اعرفه اثر فيا بطريقة غريبه اوى    

احساسى معاه خلانى احس بالمزيكا اوى و ازاى تقدر تغير فى الروح و هى مزيكا بقى مش اغانى

ايه اللى فكرنى بيه ممم فيلم ميكروفون مكانش ينفع الفيلم ده يتعمل من غيرة دوره مش اساسى فى الفيلم بس كان لازم يبقى موجود

كان اول مرة فى حياتى اعرف الفنان الخيالى المجنون الغريب الاطوار الساحر الحالم المؤثر 

كنت اسمع بس عن الفنانين دول بس عمرى ماعرفت حد ولا شفت حد كده 

معرفتى بيه كانت كأنها جامعة المزيكا و البحر و السحر فى وقت واحد

انا مفضلتش معاه كتير لان صعب انه يبقى لحد هو ملك للبحر و المزيكا و بس . على قصر المده دى على قد ما اثرت فيا

عرفت يعنى ايه اسرح و اروح فى عالم تانى وروحى بجد تسيبنى و تنطلق عرفت يعنى ايه نشوة الموسيقى و حسيتها

احساس غريب و رائع انك تبقى عايش فى الخيال بس فى الواقع فى نفس الوقت ميتوصفش ابدا واللى محسوش يبقى فايته كتير

ساعات بحس ان روحى بتسيبنى و تروحله تفضل معاه تحس زيه و تجرب تجاربه و تسبح فى عالم موسيقى بس

كان فى يوم فى شهر مايو سنه 2008 اليوم ده مش هنساه عشان انا حسيت اليوم ده يعنى ايه صوابع واحد بتلعب مزيكا بس بتلعب فى روحك و بروحك فى نفس الوقت من اغرب احساسيس الدنيا و مفتكرش عمرى هحس بيه تانى بس بسترجعة كتير دايما افتكره

ياااه المهم كلامى ده عنه ميوفيهوش حقه و ميوصفش انا بحس بيه ايه لانه مينفعش الساحر ده يتوصف بكلام.