كلمات: صلاح جاهين
ألحان: كمال الطويل
غناء : ماجدة الرومى
----------------------------
ساعات أقوم الصبح، قلبي حزين
أطل برا الباب، ياخذني الحنيــــن
اللي إشتريتو إنباع واللي لقيته ضاع و اللي قابلتو راح
وفات الأنيــــــــــن
وأرجع واقول و ارجع و اقول لسه الطيور بتحن والنحليات بتطن والطفل ضحكو يرن
مع إن مش كل البشر فرحانيــــــــن
---------------------------------
حبيبي سكر مر طعم الهوى
فرق ما بينا البين ما عدناش سوا
حرام عليك يا عذاب نبقى كده أغراب
دا البعد والله جرح من غير دوا
وأرجع واقول و ارجع و اقول لسه الطيور بتحن والنحليات بتطن والطفل ضحكو يرن
مع إن مش كل البشر فرحانـــــــين
----------------------------------
أدي اللي كان وأدي القدر وأدي المصير
نودع الماضي وحلمه الكبيــــــــــــر
نودع الأفراح نودع الأشجان
راح إللي راح ومعدش فاضل كتــــــــير
إيه العمل دي الوقت يا صديق
غير إننا عند إفتراق الطريق
نبص قدمنا على شمس أحلامنا
نلقاها بتشق السحاب الغميق
وأرجع واقول و ارجع و اقول لسه الطيور بتحن والنحليات بتطن والطفل ضحكو يرن
مع إن مش كل البشر فرحانــــــين
1 comments:
الأغنية دى حلوة قوى ، وانا بدور عليها ، يا ترى اقدر ألاقيها عندك، لو متاحة ياريت تبعتيهالى على الميل ده:
onlyman13@hotmail.com
ومتشكر جداً ، وبحييكى على ذوقك العالى ده
Post a Comment