ماتوا فى 73

مبقاش فى رجاله يا جدعان الواحده بقت تحس انها ارجل من الرجاله اه والله خلاص بح ... الواحد بيشوف حاجات مبيصدقش و اتنح و اقول ايه ده هو فيه كده ... مثلا دلوقتى الواحد لازم يبقى عنده " جى اف و للازم تكون حلوة و لابسه من غير هدوم عشان لازم يبقى مظهرها كويس و هى معاه و لازم تبقى فرى يعنى متقولش على حاجه لاء و غير كده تبقى يااى دى كومبلكس اوى

كمان لما يخرجوا مع بعض لازم تدفع زيها زيه ايه ده لازم يبقوا انجلش و كمان هو اللى يرنلها تكلمة زمان كده على ما كنت اسمع انه الراجل ميقبلش ان واحده تحاسبله او انها تكلمة و تصرف على المكالمات و مش مثلا اقولك معهوش لا يبقى معاه فلوس اوى للحشيش و لل بلاى ستيشن لكن عند دى و يبقى انجلش .. كمان بقى الواحد يقف ادام المرايه اكتر من البنت و لازم الجل و البرفيوم لازم يبقى ياااي بيعجب البنات اوى ....

و اللى يفرس بقى يبقى لافف اد كده و شايف صيع اد كده بس ليه لازم يدور على بنت ناس و يلف عليها عشان يوقعها و يفرح بقى بنفسه اوى ده عمل انجاز و تيجى تقوله لو عندك اخت الحمشنه تطلع ساعتها و ايه خدوهم بالصوت و جاعورة تتفتح

..... صنف تانى بقى ده زنان افففف يخرب بيت كده تشوطة يرجع تانى و تشتمة و تهزقة يقول كمان و لزقة بقى اففففففففف و طلبات طلبات و مش فاهمه ازاى بيكدبوا و بعدين يصدقوا الكدب و بعدين يعلموا غلابة مظلومين البنات يعينى بتضحك عليهم .. انا اعرف ان لو الواحد اساسا راجل مفيش بنت حتضحك عليه لكن اللى بيضحك عليهم ده من الصنف اللى بيتشاط االواحد يقول لاء و لالالالالاء و ده مفيش .. اصلا اصلا كلهم عندهم بارنويا تحس ان الراجل ماشى ملزق شعرة و ضارب النضارة الاورانج و ماشى يا ارض اتهدى و منفوخ حيفرقع و يتكلم يبوق يبوق و كان ابن وزير مثلا و كله يقولك انا و اعوذ بالله من انا انا كذا كذا

و كلهم نفسيه مهببه واحده يالا ربنا يبعدنا عن دى اشكال اه و فيه حاجه كمان تغيظ كلهم عندهم نفس المببرات يقولك اصل انا اتصدمت من واحده و مقدرش ابقى مع حد تانى يا حراااام حساسين اوى و غير كده يقولك اصل انا مش مستعد اصلى عندى طموح مشعارفه دول مش بيجددوا ليه !!!
بس بجد لما اعد افكر اقول طيب مين كده اشوفه احس انه راجل كده ادامى غصبن عنى اعمله احترام و هيبه يعنى مع كتر البحث و التحرى لقيتهم 3 بس اللى شفتهم و عشان كده عرفت ايه سبب ازمة العنوسه مش عشان مفيش رجاله لا بالعكس دول كتير اوى اد البنات و يمكن اكتر بس هما اللى تحولوا و محسوبين الظاهر مع البنات



" The Middle Finger ~I~ "اهداء منى لكل الرجاله فى مصر